Kreppa skreppa

Ég á ekki hús og þar af leiðandi ekki að borga af húsnæðislánum

Ég á minn bíl og þar af leiðandi ekki að borga af bílaláni

Ég sigli á milli mánaða með því að fara sparlega með peningana en sé fram á betri peningatíð með vorinu þegar fæðingarorlofinu verður lokið hjá mér.

Er ekki best að slökkva bara á útvarpi og sjónvarpi, sleppa því að lesa blöðin og bíða þar til vandinn er yfirstaðinn. Þessar fréttir gera lítið annað en að brjóta niður geðheilsuna.

Gera bara eins og Siggi stormur segir... fara út í náttúruna og anda með nefinu! (þ.e. ef maður getur fyrir kvefi)  Allavega njóta þess sem ókeypis er í lífinu svo sem fjölskyldu og náttúru. Það er ég að hugsa um að gera um helgina. Stefnan er sett á afmæli og fjölskylduheimsókn á laugardag og sjáum til hvað sunnudagur ber með sér.

Kv. Drífa